Xəbərlər

Kimya elmləri doktoru Əli Zalov Həmkarlar İttifaqı Komitəsinin Fəxri fərmanı ilə təltif olundu.

Azərbaycan Dövlət Pedaqoji Universitetinin Həmkarlar İttifaqı Komitəsi tərəfindən Analitik və üzvi kimya kafedrasının professoru, kimya elmləri doktoru Əli Zal oğlu Zalov

ali təhsilin inkişafında uzunillik səmərəli elmi-pedaqoji fəaliyyəti, gənc nəslin yetişdirilməsində əvəzsiz xidmətləri, yüksək mənəvi keyfiyyətləri, universitetin ictimai həyatında fəal iştirakı və 60 illik yubileyi münaibəti ilə  Fəxri Fərmanla təltif edilib.

      Əli müəllimi bu əlamətdar yubiley münasibəti ilə təbrik edir, ona möhkəm cansağlığı, yeni elmi nailiyyətlər və fəaliyyətində uğurlar arzulayırıq.

İncəsənət fakültəsinin əməkdaşları ekskursiyada

Əməkdaşların asudə vaxtının səmərəli təşkili məqsədilə İncəsənət fakültəsinin əməkdaşları Lerikə ekskursiya ediblər.

         Səfər iştirakçılara rayonun tarixi, mədəni və görməli məkanları yaxından tanış olmaq imkanı yaradıb. Maraqlı və xoş təəssüratlarla yadda qalan ekskursiyanın nəqliyyat təminatı Həmkarlar İttifaqı Komitəsi tərəfindən həyata keçirilib.

Görüş xoş ünsiyyət və faydalı müzakirələrlə yadda qalıb. 

Məktəbəqədər təhsil fakültəsinin əməkdaşları ekskursiyada iştirak ediblər.

Həmkarlar İttifaqı Komitəsinin təşkilatçılı ilə Məktəbəqədər təhsil fakültəsinin əməkdaşları İsmayıllı şəhərinə səfər ediblər.

    Ekskursiya çərçivəsində iştirakçılar rayonun görməli yerlərini ziyarət edib, xoş istirahət və səmimi ünsiyyət imkanı əldə ediblər. Səfərin nəqliyyat təminatını Həmkarlar İttifaqı Komitəsi təfərindən təmin olunub.

Belə tədbirlər kollektiv üzvləri arasında qarşılıqlı münasibətlərin inkişafına, əməkdaşlıq mühitinin möhkəmlənməsinə və əməkdaşların sosial rifahına müsbət təsir göstərir.

İbtidai təhsil fakültəsinin əməkdaşları Lerikdə istirahət səfərində

Əməkdaşların asudə vaxtının səmərəli təşkili məqsədilə İncəsənət fakültəsinin əməkdaşları Lerikə ekskursiya ediblər.

    Ekskursiya iştirakçıları rayonun tarixi  və təbii gözəllikləri ilə tanış olub, maraqlı və yaddaqalan anlar yaşayıblar. Nəqliyyat təminatı Həmkarlar İttifaqı Komitəsi tərəfindən həyata keçirilib.

Səfər kollektiv üzvləri arasında ünsiyyətin güclənməsinə və xoş təəsüratların formalaşmasına töhfə verib.

Kimya-biologiya fakültəsinin əməkdaşları Şamaxıda

Həmkarlar İttifaqı Komitəsinin dəstəyi ilə Kimya-biologiya fakültəsinin əməkdaşları Şamaxı rayonunun Dəmirçi kəndinə ekskursiya ediblər.

     Təbiətin gözəllikləri və rayonun görməli məkanları ilə tanış olan iştirakçılar səmərəli və xoş istirahət imkanı qazanıblar. Səfərin nəqliyyat təminatı Həmkarlar İttifaqı Komitəsi tərəfindən həyata keçirilib.

Səmimi abu-hava şəraitində keçən səfər əməkdaşlar tərəfindən maraq və məmnunluqla qarşılanıb.

ADPU-da “Ana dili: Kimlik və gələcək” mövzusunda Respublika konfransı keçirilib

Mayın 25-də Azərbaycan Dövlət Pedaqoji Universitetində Azərbaycan Respublikası Elm və Təhsil Nazirliyi, Azərbaycan Milli Elmlər Akademiyası (AMEA) və Azərbaycan Təhsil İşçiləri Azad Həmkarlar İttifaqının birgə təşkilatçılığı ilə “Ana dili: Kimlik və gələcək” mövzusunda gənclərin iştirakı ilə respublika konfransı keçirilib.

     Konfransda dövlət qurumlarının nümayəndələri, ali təhsil müəssisələrinin rəhbərləri, elm və təhsil ictimaiyyətinin tanınmış nümayəndələri, alimlər, tədqiqatçılar, müəllimlər, tələbələ-gənclər iştirak ediblər.

    Rəsmi açılış mərasimindən sonra konfrans öz işini “Azərbaycan dili və milli kimliyin formalaşması: gələcək perspektivlər” və “Rəqəmsal transformasiya dövründə Azərbaycan dili” adlı panellərdə davam etdirib. Panel müzakirələrdə Azərbaycan dilinin tarixi inkişaf mərhələləri, milli kimliyin formalaşmasında rolu, dil siyasəti, terminologiya, dil mədəniyyəti və rəqəmsal transformasiya şəraitində Azərbaycan dilinin perspektivləri kimi mövzular ətrafında geniş müzakirələr aparılıb. Səsləndirilən fikirlərdə ana dilinin qorunmasının təkcə filoloji məsələ olmadığı, eyni zamanda milli təhlükəsizlik, dövlətçilik, mədəni irs və gələcək inkişaf məsələsi olduğu xüsusi vurğulanıb. İştirakçılar Azərbaycan dilinin müasir çağırışlar şəraitində inkişaf etdirilməsi, elmi və texnoloji imkanlarının genişləndirilməsi, gənc nəslin ana dilinə bağlılığının daha da gücləndirilməsi istiqamətində birgə fəaliyyətin vacibliyini qeyd ediblər.

ADPU-nun Riyaziyyat fakültəsinin əməkdaşları üçün Şamaxıya ekskursiyaya təşkil olundu.

Riyaziyyat fakültəsinin əməkdaşları Həmkarlar İttifaqı Komitəsinin təşkilatçılığı ilə Şamaxıya ekskursiya ediblər.

    Əməkdaşların istirahətinin təşkili və asudə vaxtlarının daha da səmərəli keçirilməsi məqsədilə Riyaziyyat fakültəsinin əməkdaşları Şamaxı rayonuna gəzintiyə gediblər.

    Səfər çərçivəsində iştirakçılar Şamaxının tarixi-mədəni abidələrini ziyarət edib, rayonun təbiət mənzərələri ilə tanış olub və maraqlı vaxt keçirdiblər.

    Ekskursiya kollektiv üzvləri arasında ünsiyyətin güclənməsinə və xoş təəsüratların formalaşmasına töhfə verib.

Tarix və coğrafiya fakültəsinin əməkdaşları üçün Qubaya ekskursiya təşkil olundu.

Əməkdaşların asudə vaxtının səmərəli təşkili, kollektiv münasibətlərin daha da möhkəmlənməsi məqsədilə Tarix və coğrafiya fakültəsinin əməkdaşları üçün Qubanın Qəçrəş kəndinə ekskursiya təşkil olunub.

    Ekskursiya zamanı iştirakçılar rayonun füsunkar təbiəti, gəzməli-görməli yerləri ilə tanış olub, xoş və yaddaqalan anlar yaşayıblar.

    Səmimi abu-hava şəraitində keçən səfər əməkdaşlar tərəfindən maraq və məmnunluqla qarşılanıb.

ADPU-nun Şamaxı filialında əməkdaşlar Fəxri fərmanla təltif olunublar

Azərbaycan Dövlət Pedaqoji Universitetinin Şamaxı filialında bir qrup əməkdaş Həmkarlar İttifaqı Komitəsi tərəfindən təltif olunub. Uzun müddət səmərəli elmi-pedaqoji fəaliyyəti, kollektivin xüsusi hörmətini qazanması, gənc nəslin təlim-tərbiyəsindəki uğurları, anadan olmasının 65 illik yubileyi münasibəti ilə  filialının Sosial və xüsusi fənlər kafedrasının dosenti, tarix üzrə fəlsəfə doktoru Cavadova Zərifə Şamil qızı və işinə  göstərdiyi yüksək peşəkarlıq, məsuliyyət, tapşırıqların dəqiq və vaxtında yerinə yetirilməsindəki xidmətləri, anadan olmasının 70 illik yubileyi nəzərə alınaraq Şamaxı filialının İnzibati təsərrüfat şöbəsinin əməkdaşı, komendant İsmayılov Nizaməddin Məməli oğlu  Həmkarlar İttifaqı Komitəsinin Fəxri fərmanı və pul mükafatı ilə təltif olundular.

    Eyni zamanda  filialın ictimai həyatında  fəallığı ilə seçilən və  kollektiv işə verdikləri töhvələri nəzərə alınaraq 2 nəfər əməkdaş HİK-nin Fəxri fərmanı və pul mükafatı ilə təltif olunub.

    ADPU HİK-nin sədri Vaqif Əliyev əməkdaşlara gələcək fəaliyətlərində uğurlar arzulayıb, onların kollektiv həyatındakı fəallığını yüksək qiymətləndirdiyini bildirib.

ADPU-nun Şamaxı filialında əməkdaşlara səmimi görüş keçirilib

     Azərbaycan Dövlət Pedaqoji Universitetinin Şamaxı filialında Həmkarlar İttifaqı Komitəsinin təşkilatşılığı ilə əməkdaşlarla maarifləndirici görüş keçirilib. Səmimi və işgüzar şəraitdə baş tutan görüş zamanı kollektivin sosial rifahı, əməkdaşların hüquq və maraqlarının qorunması, eləcə də iş mühitinin daha da yaxşılaşdırılması ilə bağlı fikir mübadiləsi aparılıb.

     Görüşdə əməkdaşların təklif və fikirləri dinlənilib, onları maraqlandıran məsələlər ətrafında müzakirələr aparılıb. Qeyd olunub ki, kollektiv daxilində qarşılıqlı hörmət, həmrəylik və dəstək sağlam əmək mühitinin əsasını təşkil edir.

     Görüş xoş ünsiyyət və faydalı  müzakirələrlə yadda qalıb. 

ADPU-nun Ağcabədi filialında əməkdaşlar Fəxri fərmanla təltif olunublar

Azərbaycan Dövlət Pedaqoji Universitetinin Ağcabədi filialında Həmkarlar İttifaqı Komitəsinin fəaliyyəti çərçivəsində filialın ictimai həyatında fəallığı ilə seçilən bir qrup əməkdaş təltif olunub.

     Səmərəli fəaliyyəti, kollektiv işə verdikləri töhvələri nəzərə alınaraq 6 nəfər əməkdaşa Həmkarlar İttifaqı Komitəsinin Fəxri fərmanları təqdim edilib.

     ADPU HİK-nin sədri Vaqif Əliyev əməkdaşlara gələcək fəaliyətlərində uğurlar arzulayıb, onların kollektiv həyatındakı fəallığını yüksək qiymətləndirdiyini bildirib.

ADPU-nun Ağcabədi filialında əməkdaşlara səmərəli görüş

Azərbaycan Dövlət Pedaqoji Universitetinin Ağcabədi filialında Həmkarlar İttifaqı Komitəsinin nümayəndələrinin əməkdaşlarla maarifləndirici görüşü təşkil olunub.

       Görüş zamanı kollektivin  sosial rifahı, əməkdaşların hüquq və maraqlarının qorunması, iş mühiti və qarşılıqlı əməkdaşlığın daha da güşləndirilməsi istiqamətində fikir mübadiləsi aparılıb.

     Səmimi atmosferdə keçən görüşdə əməkdaşların təklif və fikirləri dinlənilib, onları maraqlandıran məsələlər ətrafında müzakirələr aparılıb. Qeyd olunub ki, kollektiv daxilində sağlam, etibarlı münasibətlərin formalaşdırılması ümumi fəaliyyətin keyfiyyətinə müsbət təsir göstərən əsas amillərdəndir.

     Görüş qarşılıqlı anlaşma və faydalı müzakirələrlə yadda qalıb.