Xəbərlər

Azərbaycan dili və onun tədrisi texnologiyası kafedrasının əməkdaşları üçün Şamaxıya ekskursiya təşkil olunub

Azərbaycan Dövlət Pedaqoji Universitetinin Azərbaycan dili və onun tədrisi texnologiyası kafedrasının əməkdaşları Həmkarlar İttifaqı Komitəsinin təşkilati dəstəyi ilə Şamaxıya ekskursiya ediblər.

Ekskursiyanın əsas məqsədi əməkdaşların asudə vaxtının səmərəli təşkili, istirahətlərinin təmin olunması, kollektiv üzvləri arasında ünsiyyətin və həmrəyliyin daha da möhkəmləndirilməsi olub. Səfər iştirakçıları Şamaxının tarixi və füsunkar məkanlarını ziyarət edərək xoş və yaddaqalan anlar yaşayıblar.

Qeyd edək ki, Həmkarlar İttifaqı Komitəsi əməkdaşların sosial rifahının yüksəldilməsi, asudə vaxtının səmərəli təşkili və kollektivdə sağlam mənəvi mühitin gücləndirilməsi istiqamətində bu kimi tədbirlərin keçirilməsini mütəmadi olaraq davam etdirir. 

ADPU HİK-in dəstəyi ilə 4 nömrəli Tələbə Poliklinikasının əməkdaşları üçün ekskursiya təşkil olunub.

Azərbaycan Dövlət Pedaqoji Universitetinin Həmkarlar İttifaqı Komitəsinin təşkilati dəstəyi ilə universitetin nəzdində fəaliyyət göstərən 4 nömrəli Tələbə Poliklinikasının əməkdaşları üçün Şamaxı rayonuna ekskursiya təşkil edilib.

   Ekskursiyanın əsas məqsədi əməkdaşların asudə vaxtının səmərəli təşkili, onların sosial rifahının yüksəldilməsi, kollektiv üzvləri arasında həmrəyliyin və xoş ünsiyyət mühitinin möhkəmləndirilməsi olub.

    ADPU Həmkarlar İttifaqı Komitəsi üzvlərinin sosial müdafiəsinin gücləndirilməsi, mənəvi motivasiyasının artırılması və asudə vaxtının səmərəli təşkili istiqamətində həyata keçirdiyi tədbirləri bundan sonra da davam etdirəcək.

    ADPU Həmkarlar İttifaqı Komitəsi üzvlərinin rifahının yüksəldilməsi və onların mənalı istirahətinin təşkili daim diqqət mərkəzində saxlanılır.

Filologiya fakültəsinin Elmi Şurasında əməkdaşlar təltif olunublar

Azərbaycan Dövlət Pedaqoji Universitetinin Filologiya fakültəsinin Elmi Şurasının iclasında yubiley yaşlarını qeyd edən əməkdaşların təltifetmə mərasimi keçirilib.

     ADPU-nun Xarici Dillər Mərkəzinin baş müəllimi Mehriban Akif qızı Mahmudovanın 60 illik və Ədəbiyyatın tədrisi texnologiyası kafedrasının baş müəllimi, filologiya üzrə fəlsəfə doktoru Günel Saleh qızı Hümmətovanın isə 40 illik yubileyi münasibətilə uzunmüddətli səmərəli elmi-pedaqoji fəaliyyətləri, universitetin ictimai həyatındakı fəallıqları və təhsilin inkişafına verdikləri töhfələr yüksək qiymətləndirilərək Həmkarlar İttifaqı Komitəsi tərəfindənFəxri fərman, gül dəstəsi və pul mükafatı ilə təltif olunublar.

Təltifetmə mərasimində ADPU HİK-in nümayəndəsi olaraq iştirak edərək yubilyarları səmimi qəlbdən təbrik etdik, onlara möhkəm cansağlığı, ailə səadəti və gələcək elmi-pedaqoji fəaliyyətlərində yeni uğurlar arzuladıq. Əməyə verilən dəyər, əslində, elmə və gələcəyə verilən dəyərdir. ADPU Həmkarlar İttifaqı Komitəsi bu nəcib ənənəni davam etdirərək universitetimizin inkişafına töhfə verən əməkdaşların zəhmətini daim yüksək qiymətləndirir.

    ADPU Həmkarlar İttifaqı Komitəsi olaraq yubilyarlarımızı bir daha ürəkdən təbrik edir, onlara uzun ömür, sağlamlıq və yeni nailiyyətlər arzulayırıq! 

Tarix yazan ömür, elmə həsr olunan həyat...

Azərbaycan Dövlət Pedaqoji Universitetinin Tarix və coğrafiya fakültəsinin Ümumi coğrafiya kafedrasının müdiri, coğrafiya elmləri doktoru Məhəmməd Abdu oğlu Abduyevin 65 illik yubileyi münasibətilə Azərbaycan Dövlət Pedaqoji Universiteti Həmkarlar İttifaqı Komitəsi tərəfindən təltifetmə mərasimi keçirilib.

    Uzun illərdir ki, ADPU-da səmərəli elmi-pedaqoji fəaliyyəti ilə seçilən Məhəmməd Abduyev coğrafiya elminin inkişafına mühüm töhfələr verib. Onun rəhbərliyi dövründə gənc elmi kadrların hazırlanması istiqamətində mühüm nəticələr əldə olunub, çoxsaylı elmi tədqiqatlar aparılıb. Alimin müəllifi olduğu dərs vəsaitləri, monoqrafiyalar, fənn proqramları və 150-dən artıq elmi məqalə ölkəmizdə və xaricdə elmi ictimaiyyət tərəfindən maraqla qarşılanır.

   ADPU Həmkarlar İttifaqı Komitəsi yubiley münasibətilə Məhəmməd Abduyevi səmərəli elmi-pedaqoji fəaliyyəti, universitetin inkişafına verdiyi töhfələr və uzunmüddətli xidmətlərinə görə təbrik edir, ona möhkəm cansağlığı, yeni elmi nailiyyətlər və fəaliyyətində davamlı uğurlar arzulayır.

      65 illik yubileyiniz mübarək olsun, hörmətli Məhəmməd müəllim!

İnformasiya və kommunikasiya şöbəsinin əməkdaşları üçün İsmayıllıya istirahət-gəzintisi təşkil olunub

    Azərbaycan Dövlət Pedaqoji Universitetinin Həmkarlar İttifaqı Komitəsinin dəstəyi ilə İnformasiya və kommunikasiya şöbəsinin əməkdaşları üçün İsmayıllı rayonuna istirahət-gəzintisi təşkil edilib. Əməkdaşların işgüzar fəaliyyətinə mənəvi dəstək göstərilməsi, asudə vaxtlarının səmərəli təşkili və kollektivdə sağlam ünsiyyət mühitinin daha da möhkəmləndirilməsi məqsədilə təşkil olunan səfər xoş təəssüratlarla yadda qalıb. İsmayıllının ecazkar təbiəti və füsunkar mənzərələri fonunda keçirilən gəzinti iştirakçılara dincəlmək, yeni enerji toplamaq və xoş anlar yaşamaq imkanı yaradıb.

Azərbaycan Dövlət Pedaqoji Universitetinin Həmkarlar İttifaqı Komitəsi üzvlərinin sosial rifahının yüksəldilməsi, asudə vaxtlarının səmərəli təşkili və kollektiv həmrəyliyinin gücləndirilməsi istiqamətində bu cür təşəbbüsləri gələcəkdə də davam etdirəcək. 

Əməkdaşların istirahətinə göstərilən diqqət davam edir

Azərbaycan Dövlət Pedaqoji Universitetinin Həmkarlar İttifaqı Komitəsinin təşkilatçılığı ilə universitetin xadimələrindən ibarət növbəti qrup üçün Quba rayonuna istirahət-gəzintisi təşkil olunub.

  Əməkdaşların sosial rifahının yüksəldilməsi, asudə vaxtlarının səmərəli təşkili və onların əməyinə verilən dəyərin ifadəsi məqsədilə keçirilən bu səfər iştirakçılar tərəfindən böyük məmnunluqla qarşılanıb.Qubanın zəngin təbiəti və füsunkar mənzərələri ilə tanış olan əməkdaşlar xoş və unudulmaz anlar yaşayıb, istirahətlərini səmərəli şəkildə keçiriblər.

Azərbaycan Dövlət Pedaqoji Universitetinin Həmkarlar İttifaqı Komitəsi bundan sonra da üzvlərinin sosial müdafiəsinin gücləndirilməsi, istirahətinin təşkili və asudə vaxtlarının daha səmərəli keçirilməsi istiqamətində fəaliyyətini davam etdirəcək.

İbtidai təhsil fakültəsinin əməkdaşları üçün Şamaxıya istirahət-gəzinti təşkil olunub

Azərbaycan Dövlət Pedaqoji Universitetinin Həmkarlar İttifaqı Komitəsinin təşkilatçılığı ilə İbtidai təhsil fakültəsinin əməkdaşları üçün Şamaxı rayonuna istirahət-gəzintisi təşkil edilib.

Əməkdaşların asudə vaxtının səmərəli təşkili, kollektiv həmrəyliyinin gücləndirilməsi və onların gərgin əmək fəaliyyətindən sonra mənəvi istirahətinin təmin olunması məqsədilə reallaşdırılan səfər iştirakçılar tərəfindən böyük məmnunluqla qarşılanıb.

  Şamaxının zəngin tarixi, əsrarəngiz təbiəti və gözəl mənzərələri ilə tanış olan əməkdaşlar xoş və yaddaqalan anlar yaşayıb, səmimi ünsiyyət şəraitində istirahətlərini mənalı şəkildə keçiriblər.

Azərbaycan Dövlət Pedaqoji Universitetinin Həmkarlar İttifaqı Komitəsi bundan sonra da üzvlərinin sosial rifahının yüksəldilməsi, asudə vaxtlarının səmərəli təşkili və kollektiv ruhunun daha da möhkəmləndirilməsi istiqamətində fəaliyyətini davam etdirəcək. 

HİK üzvlərinin asudə vaxtının səmərəli təşkili diqqət mərkəzindədir

Azərbaycan Dövlət Pedaqoji Universitetinin Həmkarlar İttifaqı Komitəsinin təşəbbüsü ilə universitetdə çalışan bir qrup xadimə üçün Şamaxı rayonuna istirahət-gəzinti təşkil olunub.

  Səfərin məqsədi əməkdaşların asudə vaxtının səmərəli təşkili, onların mənəvi istirahətinin təmin edilməsi və zəhmətlərinə göstərilən diqqət və qayğının ifadəsi olub.

 Gəzinti iştirakçılarda xoş təəssüratlar yaradıb, onlara yeni enerji və yüksək əhval-ruhiyyə bəxş edib. Həmkarlar İttifaqı Komitəsi bundan sonra da əməkdaşların sosial rifahına və asudə vaxtının səmərəli təşkilinə yönəlmiş layihələri davam etdirəcək.

Əməyi ilə universitetimizin gündəlik fəaliyyətinə dəyər qatan bütün xadimələrimizə təşəkkür edir, onlara möhkəm cansağlığı, ailə səadəti və işlərində uğurlar arzulayırıq. 

Məzun Günü 2026

İyunun 29-da Azərbaycan Dövlət Pedaqoji Universitetində (ADPU) “Məzun Günü” keçirilib. Mərasimdə universitet rəhbərliyi, struktur rəhbərləri, məzunlar və onların ailə üzvləri iştirak ediblər.

Rəsmi hissədə giriş sözü ilə çıxış edən ADPU-nun rektoru professor Cəfər Cəfərov məzunları təbrik edərək vurğulayıb ki, dövrümüzdə müəllim yalnız bilik ötürən deyil, öyrənən, yenilənən, texnologiyalarla ayaqlaşan şəxsdir. Bu yolun əsas dayaqları kimi milli dəyərlərə sadiqlik, peşə səriştəsi, daim yenilənən bilik və bacarıqlar, rəqəmsal və dil kompetensiyaları ön plana çıxır. Rektor qeyd edib ki, Pedaqoji Universitet müasir təhsilin tələblərini nəzərə alaraq bu yöndə davamlı işlər aparır, mövcud ixtisaslaşmaların təkmilləşdirilməsini həyata keçirir.

Tədbirdə Həmkarlar İttifaqı Komitəsinin sədri Vaqif Əliyev də iştirak edərək məzunları bu əlamətdar gün münasibətilə təbrik edib, onlara gələcək həyat və fəaliyyətində uğurlar arzulayıb. Səmimi və bayram əhval-ruhiyyəsində keçən tədbirdə tələbələrin tələbəlik illərinə nəzər salınıb, onların qazandıqları nailiyyətlər vurğulanıb.

Bəxtiyar Vahabzadənin zəngin ədəbi irsinə həsr olunmuş konfrans keçirilib

ADPU-nun Şəki filialında Azərbaycan ədəbiyyatının görkəmli nümayəndəsi, Xalq şairi Bəxtiyar Vahabzadənin həyat və yaradıcılığına həsr olunmuş elmi-praktik konfrans keçirilib. Tədbirdə filialın professor-müəllim heyəti, tələbələr, ziyalılar və ADPU Həmkarlar İttifaqı Komitəsinin nümayəndələri iştirak ediblər.

     Konfrans zamanı çıxış edənlər Bəxtiyar Vahabzadənin Azərbaycan ədəbiyyatının inkişafında, milli-mənəvi dəyərlərimizin qorunub saxlanılmasında, vətənpərvərlik və milli kimlik düşüncəsinin formalaşmasında oynadığı müstəsna roldan bəhs ediblər. Qeyd olunub ki, böyük şairin əsərləri bu gün də öz aktuallığını qoruyur, oxuculara mənəvi dəyərlərə sədaqət, vətən sevgisi və milli təfəkkür aşılayır.

   Tədbir çərçivəsində Həmkarlar İttifaqı Komitəsinin nümayəndələri də Bəxtiyar Vahabzadənin zəngin yaradıcılığının öyrənilməsi və təbliğinin əhəmiyyətini vurğulayaraq, bu kimi tədbirlərin gənc nəslin milli ruhda tərbiyəsində mühüm rol oynadığını qeyd ediblər.

    Konfrans iştirakçıları daha sonra şairin ev-muzeyini ziyarət edərək onun həyat və fəaliyyətini əks etdirən eksponatlarla tanış olublar. Muzeydə keçirilən görüş zamanı Bəxtiyar Vahabzadənin qızı Gülzar Vahabzadə tədbir iştirakçıları ilə səmimi söhbət aparıb, dahi şairin həyatına, yaradıcılığına və insan kimi xarakterinə dair maraqlı xatirələrini bölüşüb. Görüş iştirakçılar tərəfindən böyük maraqla qarşılanıb və şairin irsinin daha yaxından tanınmasına töhfə verib.

    Səfər və konfrans iştirakçılarda dərin təəssürat yaradıb, Bəxtiyar Vahabzadənin Azərbaycan ədəbiyyatına və milli düşüncəsinə verdiyi töhfələrin əhəmiyyətini bir daha xatırladıb. Bu cür tədbirlər milli-mədəni irsimizin yaşadılması, ədəbi dəyərlərimizin təbliği və gələcək nəsillərə ötürülməsi baxımından mühüm əhəmiyyət daşıyır.

  Böyük şəxsiyyətlərə göstərilən ehtiram onların irsinin yaşadılması və gələcək nəsillərə çatdırılması deməkdir.

Fizika fakültəsinin əməkdaşları üçün İsmayıllıya ekskursiya təşkil olunub

Əməkdaşların asudə vaxtının səmərəli təşkili, kollektiv daxilində ünsiyyət və həmrəyliyin daha da möhkəmləndirilməsi məqsədilə Fizika fakültəsinin əməkdaşları üçün İsmayıllı rayonuna ekskursiya təşkil edilmişdir.

     Səfər iştirakçıları rayonun füsunkar təbiəti, tarixi və turistik məkanları ilə yaxından tanış olmuş, maraqlı və yaddaqalan anlar yaşamışlar. Ekskursiya əməkdaşların istirahətinin təşkili ilə yanaşı, kollektiv ruhunun gücləndirilməsinə və xoş ünsiyyət mühitinin formalaşmasına da töhfə vermişdir.

     Qeyd edək ki, səfərin nəqliyyat dəstəyi HİK tərəfindən təmin edilmişdir.

Şəki filialında imtahan prosesinin gedişi ilə tanışlıq aparılıb

ADPU Həmkarlar İttifaqı Komitəsinin diqqət mərkəzində olan məsələlərdən biri də tələbələrin imtahan dövründə rahat, şəffaf və obyektiv mühitdə iştirak etmələrinin təmin olunmasıdır.

  Bu məqsədlə ADPU-nun Şəki filialında imtahanların gedişi ilə yerində tanışlıq aparılıb, tələbələrlə görüş keçirilib. Görüş zamanı tələbələrə imtahan prosesinin təşkili və gedişi ilə bağlı suallar ünvanlanıb, onların fikir, təklif və rəyləri dinlənilib.

 Tələbələrin məmnunluğunun öyrənilməsi, onların qarşılaşa biləcəyi məsələlərin vaxtında müəyyənləşdirilməsi və operativ həllinə dəstək göstərilməsi daim diqqətdə saxlanılır.

 ADPU HİK bundan sonra da tələbələrin sosial rifahının, hüquq və mənafelərinin qorunması, eləcə də təhsil mühitinin daha da yaxşılaşdırılması istiqamətində fəaliyyətini davam etdirəcək.

  Tələbəyönümlü yanaşmanın və şəffaflığın təmin edilməsi ADPU HİK-in əsas fəaliyyət istiqamətlərindən biridir.